Çавалкас ялĕ хăйĕн
илемĕпе те, пысăкăшĕпе те ытти ялсенчен уйрăлса
тăмасть. Лапамра пытанса ларнă пысăках мар ял. Çурçĕр
енчен ăна пĕтĕмпех сăртсем хÿтĕлесе
тăраççĕ. Ял хушшипе, ăна икĕ пая уйăрса,
Илепер шывĕ ял хушшинчех Васлач çырмипе пĕрлешет, вара
иккĕшĕ улăх тăрăх Çавал еннелле юхса
каяççĕ. Кăнтăр-хĕвеланăç
енче пысăках мар тĕрлĕ йывăçлă вăрман, хыр
ращи пур. Ял варрипе авто çул иртет. Кăнтăр енче, 20
çухрăмра Вăрнар районĕ вырнаçнă. Район
центрĕ - Вăрнар поселокĕ.