Петя çаранě – Чăваш Республикинчи Çĕрпÿ районĕнчи Тавăшкасси ялěн хěвелтухăç енче çур çухрăмра Мишер çырми тăрăхĕпе вырнаçнă вăрман. Ăна 1973 çулта лартнă. Лартакансен шутěнче: Иванов Пётр Филосович, Василий Павлов, ял çыннисем, студентсем, пионерсем пулнă. Вăрман лаптăкě 5 гектар ытла. Кунта хырсем, чăрăшсем, лиственницăсем ÿсеççě. Вěсен çÿллěшě 10 метр ытла. Тěмěсенчен шěшкě, шăлан пур. Тěрлěрен чечек-курăк ÿсет. Вěсен шутěнче эмел курăкěсем те. Масла кăмпи, сар кăмпа, хыр кăрăçĕ тĕл пулать. Тискер чěрчунсенчен мулкач, тилě, пакша, чěрěп пурăнать. Вăрманта кÿлě пур.. Унăн лаптăкě – çур гектара яхăн. Кÿлěре тěрлěрен пулă пурăнать.